Yeni hicri şəmsi ilinin təhvil vaxtı

1392-ci hicri şəmsi ilinin təhvil olunması anı, 1391-ci hicri şəmsi ili isfənd ayının 30-u saat 14, 31 dəqiqə, 56 saniyədə olacaq. əlbəttə 1391-ci hicri şəmsi ilinin kəbisə ili və isfənd ayının 30 gün olmasına görə cümə axşamı günü fərvərdin ayının biridir.

Bahar Azərbaycana sabah Bakı vaxtı ilə təxminən 15.02 radələrində qədəm qoyacaq.
Bu gün Günəş səmanın cənub yarımkürəsindən şimal yarımkürəsinə keçid edəcək. Həmin an Günəş Yerin hərəkət müstəvisi ilə Yerin ekvator müstəvisinin kəsişdiyi nöqtədə olacaq. Bu nöqtəyə astronomiyada “yaz bərabərliyi nöqtəsi” deyilir.
Günəş həmin nöqtədə olanda gecə və gündüz bərabərliyi qeydə alınacaq. Həmin andan başlayaraq, şimal yarımkürəsində astronomik bahar başlayır və bu, iyun ayının 21-nə qədər davam edir.
Bu gün axır çərşənbə və bayram axşamıdır.