Əfqanıstanın qərbində NATO alyansının hərbi təchizatlar daşıyan yük maşını silahlı bir dəstənin hücumuna məruz qalıb.
Hərat vilayətinin Adraskan şəhərinin qubernatoru Məhəmməd Omarzay bir bəyanatda qeyd edib: Hücumda NATO alyansının hərbi təchizat daşıyan bu yük maşını tamamı ilə dağıdılıb.
Taliban qruplaşması törədilən bu hadisənin məsuliyyətini üzərinə götürüb. Son aylarda Əfqanıstanda taliblərin xarici hərbçilərə qarşı hücumu genişlənib.