Dünyanın 7 ölkəsində insanlar küçələrə axışaraq, Quantanamo zindanının bağlanmasını tələb edib.
Frans Press-in məlumatına görə, cümə günü Vaşinqton, Nyu-York, Sidney, London, Mexiko və London Şəhərlər başda olmaqla dünyanın 40 iri şəhəri Quantanamo zindanının bağlanması tələbi ilə aksiyalar şahidi olub.
Aksiya iştirakçıları bildiriblər ki, ABŞ prezidenti Barak Obamanın Quantanamo zindanının bağlanması ilə bağlı verdiyi vədin üstündən artıq bir il keçir. Lakin, indiyə kimi bu istiqamətdə heç bir iş görülməyib.
Beynəlxalq amnistiya Təşkilatı və İnsan Haqlarına Nəzarəti də bu aksiyalarda iştirak ediblər.
İlk dəfə olaraq 11 Yanvar 2002-ci ildə 20 Məhbus Quantanamo zindanına köçürülüb. Daha sonra isə onların sayı artıb. Hal hazırda Quantanamoda saxlanılan məhbuslar sayı 154 nəfərdir.