İran İslam Respublikasının prezidenti dünyaya hakim ədalətsiz strukturun dəyişilməsi və ədalətə əsasən beynəlxalq idarəçiliyin yaranması üçün kollektiv iştirakın zəruriliyini vurğulayıb.
İran İslam Respublikası prezidenti Mahmud Əhmədinejad Tehranda Afrika ölkələrinin səfirlərini qəbul edib. Görüşdə bəşəriyyətin hazırkı tarixi problemlərinin əsas kökünün bütün xalqlar arasında müştərək olduğunu deyən prezident əlavə edib: Terrorizm, birtərəflilik, həmçinin istilaçılıq bütün xalqların müştərək problemləridir və bu problemlərin aradan qaldırılması üçün hamımız bir-birimizlə əməkdaşlığa malik olmalıyıq.
Afrika qitəsinin sivilizasiyalı və mədəniyyətli xalqlara malik olduğunu bəyan edən Əhmədinejad deyib: Afrika zəngin ilahi sərvətlərə, mədəniyyət və sivilizasiyaya malikdir. Lakin yüz illərlə müstəmləkəçilərin nəzarətində və öz ilkin hüquqlarından məhrum olub.
İran prezidenti müstəmləkəçilik və quldarlığın qara dövrünə toxunaraq xalqlara zülmün əsas səbəbi barəsində sual irəli sürüb və deyib: Qənaətimcə, bütün problem, zülm və ayrı-seçkiliklər dünyaya hakim siyasi, iqtisadi və mədəni strukturun məhsuludur.
Dünya problemlərinə qalib gəlmək üçün hamının vəhdəti və iştirakını vurğulayan İran İslam Respublikası prezidenti bildirib: Bütün xalqlar dünyaya hakim quruluşun dəyişilməsi və islahı ardınca olmalıdırlar. Eyni zamanda bilməlidirlər ki, dünyaya hakim müstəmləkəçilər və istilaçılar xalqlar arasındakı boşluq zolağından sui-istifadə edirlər. Necə deyərlər, özləri bu boşluq zolaqlarını yaradırlar.
Mahmud Əhmədinejad müstəmləkəçilərin terrorizm, narkotik maddələr və ətarf mühitin çirklənməsi kimi müxtəlif bəhanələrlə digər ölkələrə təzyiqlər göstərdiklərini bəyan edərək deyib: Dünyaya hakim strukturun əsası ədalətsizlikdir və BMT, Təhlükəsizlik Şurası, dünyaya hakim valyuta sktruturu xalqların mənafeyi və ədalətə əsasən dəyişməli və islah olunmalıdır.