İngiltərənin BP(Britiş Petroliyum) şirkəti son hesabatında dünyada enerji resursları ilə bağlı proqnozlarında Rusiyanın qaz ehtiyatları ilə bağlı proqnozların azalmasını nəzərə alaraq, İranın dünyanın ən böyük qaz ehtiyatına malik ölkələr siyahısında 1-ci yerdə qərarlaşdırıb. Venesuela isə dünyanın ən böyük neft ehtiyatına malik ölkə adını qazanıb.
BP şirkəti 2012-ci il üçün proqnozlarında qaz ilə bağlı proqnozların azalmasına diqqət çəkərək, bildirib: Bu şirkətin hesablamalarına görə, dünyanın ümumi qaz ehtiyatlarının həcmi 187.3 trilyon kubmetr olub. Bu isə hazırkı tələbata əsasən yalnız 56 il üçün dünyaya kifayət edəcək.
Rusiya bir neçə ilə dünyanın ən iri qaz ehtiyatına malik ölkə adını daşıyıb. Amma, hazırda BP-nin hesabatına əsasən bu ölkənin qaz ehtiyatları 44.6 trilyon kubmetrdən 32.9 trilyon kubmetrə azalıb. İran isə 33.6 trilyon kubmetrlə birinci pilləyə yüksəlib.
BP həmçinin, dünyanın neft ehtiyatları ilə bağlı hesabat da yayıb. Bu hesabatda İran və İraqın neft ehtiyatlarının həcmində artım müşahidə olunur. Bu 2 ölkə müvafiq olaraq dünyanın ən böyük neft ehtiyatına malik 3-cü və 4-cü ölkələri elan olunublar.1-ci və 2-ci pillədə isə müvafiq olaraq Venesuela və Ərəbistan durur.