Misirin Səhiyyə Nazirliyi dünən çərşənbə günü( 14 avqust) bu ölkənin müxtəlif məntəqələrində baş vermiş qanlı toqquşmalar zamanı ən azı 421 nəfərin dünyasını dəyişməsindən xəbər verib.
Misirin Səhiyyə Nazirliyinin sözçüsü Məhəmməd Fətulla deyib: Çərşənbə günü Qahirə və Misirin digər şəhərlərində baş vermiş aqressiv toqquşmalar zamanı ən azı 421 nəfər dünyasını dəyişib, 3752 nəfər isə yaralanıb.
Misirin təhlükəsizlik qüvvələri dünən bu ölkənin müxtəlif məntəqələrində aksiyalar keçirən devrilmiş prezident Məhəmməd Morsinin tərəfdarlarını dağıtmaq üçün hərəkətə keçdilər və zorakılıq tətbiq etdilər ki, bu hərəkət tərəflər arasında qanlı toqquşmaların baş verməsi ilə nəticələndi.