Azərbaycan Respublikasında İranın Qırmızı Aypara Cəmiyyətinin klinikası fəaliyyətini yenidən bərpa edib
Azərbaycan Respublikası xalqının İran İslam Respublikası Qırmızı Aypara Cəmiyyətinin Bakıdakı klinikasının fəaliyyətinin dayandırılmasına geniş etirazlarının ardınca, bu respublikasının Səhiyyə Nazirliyi bu klinikanın fəaliyyət icazəsinin müddətini uzadıb.
Buna əsasən, İranın Qırmızı Aypara Cəmiyyətinin Azərbaycan Respublikasındakı klinikasının fəaliyyət müddəti növbəti 5 il üçün uzadılıb.
İranın Qırmızı Aypara Cəmiyyətinin Bakıdakı nümayəndəliyi 20 ildir ki, Azərbaycan Respublikasının Səhiyyə Nazirliyinin lisenziyası ilə bu ölkədə fəaliyyət göstərir və hər il çoxlu sayda imkansız insan və müharibə didərginləri ailələri İranın Qırmızı Aypara Cəmiyyətinin xidmətlərindən pulsuz şəkildə yararlanırlar.
Ötən il iyul ayında Beynəlxalq Qırmızı Xaç Komitəsinin Azərbaycan Respublikasındakı nümayəndəliyinin rəhbəri Şrin Polini bir məktubda “itkin ailələrin kömək proqramı” çərçivəsində başsız ailələr və qaçqınlar üçün İranın Qırmızı Aypara Cəmiyyəti nümayəndəliyinə modern müalicə-səhiyyə xidmətlərini pilsuz şəkildə təqdim etdiyinə görə təşəkkürünü bildirib və ümidvarlıq edib ki, bu xidmətlər davam edəcəkdir.
Beynəxlalq Qırmızı Xaç Komitəsinin baş direktoru İva Fransuadkoq da bir müddət öncə İanın Qırmızı Aypara Cəmiyyətinin Azərbaycan Respublikasının imkansız vətəndaşları və müharibə qaçqınlarına etdiyi humanitar yardımlarına toxunaraq bildirib ki, bu yardımların önəmli xüsusiyyəti budur ki, ilk öncə davamlı şəkildə olub, ikincisi isə kameralardan uzaq və heç bir təbliğat məqsədi olmadan həyata keçirilib.
Bir müddət öncə İranın Qırmızı Aypara Cəmiyyətinin Bakıdakı klinikasının fəaliyyəti fəaliyyət icazəsi müddətinin uzadılmaması bəhanəsi ilə bəzi standartlardan aşağı elan olunub və fəaliyyəti dayandırılıb. Bu da bu mərkəzin fəaliyyətinə ehtiyaclı olanların narazılığına səbəb olmuşdur.
Həmçinin İmam Xomeyni (rə) İmdad Komitəsinin Bakıdakı İmam Əli (ə) klinikasının fəaliyyəti bu bəhanə ilə dayandırılmışdır. Xalq narazılıqlarına baxmayaraq, Azərbaycan Respublikası rəsmiləri hələ də onun yenidən fəaliyyətə başlaması ilə razılaşmayıblar.