İran prezidenti cümə axşamı Amerikanın tanınmış media təmsilçiləri ilə görüşüb.
İran heyətinin bu görüşdə iştirakla bağlı dəvətini rəğbətlə qarşılayan ABŞ medialarının təmsilçiləri onları maraqlandıran suallara cavab axtarıblar. İran prezidenti də onların suallarını cavablandırıb.
Nyu-Yorkda, “One” otelinin 2-ci mərtəbəsində baş tutan bu görüşdə iştirak edən bəzi tanınmış media təmsilçiləri bunlardan ibarətdir:
Suzan Gelser, jurnalist və Politiko jurnalının redaktoru
Ben Şervud və Dayan Savser, ABC Nyus telekanalının müdiri və aparıcısı
Mit Vinqler, Bloomberg-in xəbər redaksiyasının baş redaktoru
Cozef Zaker və Fərid Zəkəriyyə, CNN telekanalının müdiri və aparıcısı
Gideon Roz, Farin Eferz jurnalının baş redaktoru
Katerina Venden Hyuvel, Nation jurnalının baş redaktoru
Artur Salzberger, Cil Abramson və Tom Fridman, “Nyu-York Tayms”ın nəşriyyatçısı, icraçı müdiri və köşə yazarı
Andra Mişel, NBC Nyus telekanalının xarici işlər üzrə baş müxibir
Given Eyfel, BBS kanalının aparıcısı
Stefan Adler, Röyters xəbər agentliyinin müdiri və baş redaktoru
Nansi Gibz, Taym nəşriyyatının redaktoru
Martin Baron və Deyvid İqnatiyus, Vaşinqton Post qəzetinin katibi və köşə yazarı
Kris Valans
Wall Street Journal-ın müdiri
Kristian Sayns Monitor-un müdiri
Höccətülsilam Həsən Ruhani bu görüşdə deyib: Nüvə məsələsində İran və digər ölkələr arasında ayrıseçkilik olmamalıdır.
İran prezidenti təqribən 40 ölkənin uranın zənginləşdirilməsində potensial və real imkanlara malik olduğunu xatırladaraq, deyib: Biz də bu ölkələrdən biri kimi olmaq istəyirik.
Ruhani mövcud sanksiyaları ədalətsiz, qeyri-qanuni və qeyri-konstruktiv adlandırıb və deyib: Bu sanksiyalar İranın inkişafına zərər vurduğu kimi, sanksiyaları tətbiq edən tərəflərin o cümlədən İran ilə geniş iqtisadi əlaqələrə malik olan Avropanın iqtisadiyyatına da ciddi zərər və ziyanlar yetirib.