İraq ordusu əl-Qaidə terrorçu qruplaşmasının 54 üzvünü, o cümlədən 3 İordaniya vətəndaşını həbs edib.
Bu terrorçular Suriya ərazisindən qaçaraq İraqa keçibmişlər.
Suriyanın SANA Xəbər Agentliyinin məlumatına görə, İraqın Terrorizmlə Mübarizə Təşkilatının əməkdaşları 2 müxtəlif əməliyyat zamanı 2 terror dəstəsinin üzvlərini ələ keçiriblər.
Bomba quraşdırılmış avtomobillər vasitəsi ilə terror aktları törədən 1-ci dəstənin 16 üzvü olub.
10 üzvə malik olan digər dəstə isə İraqın neft təsisatlarında partlayış törətməkdə ittiham olunur.
İraqın təhlükəsizlik qüvvələri Səlahəddin vilayətinin əl-Səmiyyə və Yəsrib məntəqələrində daha 25 terrorçunu həbs ediblər.
İraqın sərhəd qoşunları isə Suriyadan qaçaraq İraq ərazisinə keçən 3 iordaniyalı terrorçunu həbs edib.
Həmçinin İraqın sərhəd qoşunları əl-Vəlid sərhəd məntəqəsində terror aktının törədilməsinə mane olub. Təhlükəsizlik qüvvələri ilə terrorçular arasında çıxan silahlı toqquşmada bir polis zabiti həlak olub, daha 2 polis əməkdaşı isə yaralanıb.