İran xalqının seçdiyi yeni prezident Həsən Ruhani söyləyib: Xalqın etimad və iştirakı İranın yenə də ən yaxşı olduğunu sübuta yetirdi.
Həsən Ruhani gələcək hökumətdə islahatçıların tələblərinin izlənilməsi barəsində deyib: Birincisi dəstəkləyənlərin hamısına səmimi təşəkkürümü bildirirəm. Yadımızda olsun ki, bu gündən mən İranın bütün xalqının seçilmiş prezidentiyəm və mənim vəzifəm budur ki, İran xalqının bütün tələbinə diqqət yetirəm. Allahdan kömək istəyirəm ki, xalqın bütün tələbini, əlbəttə xalqın öz köməyi ilə yerinə yetirəm. Ümidi hamımız öz əlimizlə yaradaq. Bütün partiyaların bütün qanuni tələbləri qanun çərçivəsində nəzərdə tutulacaqdır. Konstitusiyanın bütün prinsiplərinin icrasına sadiq qalacağam.
