Rusiyanin Xarici İşlər Nazirliyi bir bəyanat yayaraq Suriyada bir kimyəvi silah anbarının yaxınlığında terrorçularla dövlət qüvvələri arasında gedən toqquşmalardan nigaran qaldığını bildirib.
Bəyanatda deyilir ki, Rusiya Suriyanın Sukari ərazisində kimyəvi silahların saxlanıldığı anbarın ətrafındakı vəziyyətin gedişatından nigarandır.
Bəyanatda əldə olunmuş məlumatlara istinadla bildirilir: Hal-hazırda Suriyanın Homs vilayətinin Sukari məntəqəsində kimyəvi silahların saxlanıldığı mərkəzdən 100 metr məsafədə dövlət qüvvələri ilə Ənnüsrə və “İslam ordusu”-dan ibarət döyüşçülər arasında silahlı toqquşmalar davam edir.
Rusiyanın XİN-i xatırladıb ki, Suriya dövləti BMT və kimyəvi silahları qadağan edən təşkilatı hazırkı durumdan xəbərdar edib.
Bəyanatda terrorçu qrupların bu hərəkətlərindən nigarançılıq ifadə olunaraq onların kimyəvi silahların Suriyadan çıxarılması və məhv edilməsi prosesini əngəlləmək cəhdləri pislənilib.