Rusiya paytaxtı Moskva şəhərinin mərkəzində etirazçıların aksiyasına polis hücumunda ən azı 28 nəfər həbs olunub.
Moskva şəhərinin Trivmfalnaya meydanında çərşənbə axşamı günü keçirilən bu aksiyada iştirak edənlər Rusiya hökumətinin konstitusiyada nəzərdə tutulan sərbəst toplaşmağa hörmətlə yanaşmasını tələb ediblər.
Rusiya Daxili İşlər Nazirliyinin bəyanatına əsasən, bu icazəsiz aksiyada 28 etirazçı həbs olunub. Bu aksiya 31 Strategiya adlanan qrup tərəfindən təşkil olunub.
