Suriyalı pilotların istişhad (şəhadət) əməliyyatı üçün hazır olduqlarını bəyan edən Suriya ordusunun zabiti bildirib ki, ABŞ və İngiltərə qırıcıları Suriya səmasına daxil olmaqla cəhənnəm alovu ilə üzləşəcəklər.
The Guardian qəzetinin məlumatına görə, Dəməşqin ətrafında Suriyanın havadan müdafiə bazalarında xidmət edən bu ölkə ordusunun bir zabiti söyləyib: Suriya hava qüvvələri qərbli təcavüzkarlara qarşı istişhad əməliyyatlarından istifadəni araşdırmaqdadır.
Bu suriyalı zabitin sözlərinə görə, bu həftə 13 pilot əhd bağlayıb ki, ABŞ gəmilərinə hücum üçün istişhad amillərindən eskadron təşkil etsinlər.
Suriyalı zabit əlavə edib: Əgər ABŞ və İngiltərə bir raket atarlarsa, biz üç-dörd raket atacağıq. Əgər onların qırıcıları bizim səmamıza daxil olarsa, onları cəhənnəm alovu ilə üzləşdirəcəyik.
Suriyalı hərbçi sözlərinin davamında bildirib: Orduda 8 min könüllü vardır. Onlar ehtiyac olduğu hər bir zaman amerikalılar və ingilislərə qarşı şəhadət əməliyyatını icra edə bilərlər.