Ukrayna DİN-in binası qarşısında bir neçə yüz nəfər piket keçirir

Ukrayna DİN-in binası qarşısında bir neçə yüz nəfər daxili işlər naziri Vitali Zaxarçenkonun istefası, jurnalist və ictimai fəal Tatyana Çornovolu döyənlərin, bütün Ukraynada keçirilən mitinqlərin iştirakçılarına qarşı hücumlarda, eləcə də noyabrın 30-da paytaxtdakı “Avromaydan”da mitinqin dağıdılmasında əli olanların dərhal məsuliyyətə cəlb olunması tələbi ilə piket keçirir.

DİN-in binası nazirliyin həyətində yerləşdirilmiş “Berkut” xüsusi bölmələrinin döyüşçüləri tərəfindən qorunur. Nazirliyin ərazisinə giriş içərisində qum olan yük maşınları ilə bağlanıb, əsas giriş isə içəridən bağlıdır.