Səbra və Şətila qətliamından canını qurtaranlar deyirlər ki, Şaronun son illərdə çəkdiyi əzablar, onların uzun illər çəkdikləri əzab-əziyyətlə müqayisədə heç nədir və Şaron daha çox əzaba layiqdir.
Səbra və Şətila qətliamlarından salamat qurtarmış Fələstinlilər Ariel Şaronu acı xatirələrlə xatırlayır və Beyrutda, bu hadisənin qurbanlarına ucaldılmış abidəni ziyarət edərək öz əzizlərinin xatirəsini anırlar.
Beyrut sakinlərindən olan Milani Butrus Elha Bruce deyir: biz 32 ildir əzab çəkirik o ( Şaron) isə səkkiz il, mən ümid edirdim ki əlavə on il də əzab çəkəcək ancaq biz buna qadir deyilik və bu Allahın iradəsidir.
Fələstinlilərin Avropa Birliyindəki nümayəndəsi Leyla Şəhid, Şaronun fələstinlilərə qarşı tarixi qətliamın amili olduğunu və vəhşilik törətdiyini bildirərək deyib: “Şaronun bir neçə hərbi cinayətdə rolu olub. O 1953-cü ildə 70 mülki insanı öz evlərindəcə qətlə yetirib. Şaron 1982-ci il sentyabrda Livan Falanjistləri vasitəsi ilə Səbra və Şətilada minlərlə mülki əhalini qətliam etdi. Şaron öz cinayətlərini gizlətmirdi və bunları özünün vəzifəsi hesab edirdi. O vəhşi birisi idi, fikirləşirdi ki, İsrailin təhlükəsizliyi üçün lazım olanı etməlidir. əgər İsrailin təhlükəsizliyi üçün mülki əhalinin, qadın və uşaqların qırğın edilməsini lazım görürdüsə, bunu həyata keçirməyə tərəddüd belə etmirdi”.