Misir prezidentinin informasiya çatdırma üzrə müşaviri amerikalı senatorun Misirin siyasi vəziyyəti haqdakı sözlərinin Misiri daxili işlərinə müdaxilə olduğunu bildirib.
DPA-nın Qahirədən verdiyi məlumata görə Əhməd Əl-Müsəlmani amerikalı senator Con Mak Keyn-in Misirin siyasi vəziyyəti haqdakı sözlərini pisləyərək, bu sözlərin Misirin daxili işlərinə qəbuledilməz müdaxilə olduğunu bildirib.
Əl-Müsəlmani sonra deyib: Mak Keyn həqiqətləri təhrif edir və onun Misirin siyasi vəziyyəti haqdakı sözləri tam şəkildə qəbuledilməzdir.
Misirin vəziyyətini araşdırmaq üçün bu ölkəyə səfər edən amerikalı senator dünən bir mətbuat konfransında deyib: Demokratiya Misirdə sabitliyin bərqərar edilməsi və iqtisadi çiçəklənmək üçün yeganə yoldur.
Amerikanın Misirin hazırkı vəziyyətindən xəbərdar olmaq istədiyini və bu ölkəyə yardım etmək və bu ölkəni demokratiya istiqamətində yerləşdirmək uğrunda çalışdığını bildirən Mak Keyn, məhbusların azad edilməsi və milli danışıqların başlanmasını istəyib.