Son zamanlar Maştağa qəsəbəsində yerləşən “Həzrət Abbas” məscidinə Ruhanilər İdarəsi və dövlət qurumları tərəfindən təzyiqlər müşahidə olunur.
Nardaran Ağsaqqallar Şurası bununla bağlı bəyanatında bildirib : “Həzrət Abbas məscidinin dini icmasının DQİDK-də qeydiyyata alınmasında süni şəkildə maneələr törədilməsi də daxil olmaqla məsciddə din xadimlərinin fəaliyyət göstərmələrinə qeyri-qanuni müdaxilələr edilir. Məscidə kifayət qədər inanclı insanın toplaşması və dini ayinlərin, o cümlədən Cümə namazının bərpa olunması, insanların İslamın əsl mahiyyəti ilə maarifləndirilməsi sevindirici haldır. Buna heç bir əsas olmadan müdaxilə etmək və məscid ətrafında mənfi aura yaratmaq yolverilməzdir”.
Bəyanatda bu məscidə, ümumilikdə bütün məscidlərə məlum təzyiqlər, həmçinin “vahid xütbə” kimi anlamsız məhdudiyyətlər pislənilib.