Ötən gün müəmmalı şəkildə itkin düşmüş mübariz ruhani Hacı Tale Bağırov bir müddət əvvəl öz facebook səhifəsində ona qarşı hədələrlə bağlı açıqlama vermişdir.
Açıqlamasında ruhani deyib: “Əldə etdiyimiz məlumata görə, bizim işimiz şəxsən Zakir Qaralova tapışırılıb. Bu isə o deməkdir ki, bizi yaxın zamanlarda həbs edə bilərlər. Amma hədə-qorxular və həbslər bizi mübarizəmizdən döndərə bilməz. Həbs edilsək, mübarizəmizi zindandan davam etdirəcəyik…”
Tale Bağırov özü bu barədə Azadxeber-ə bildirib: “Bizə dolayısı yollarla məlumat ötürdülər ki, artıq sənin moizə və çıxışlarınla bağlı DQİDK və QMİ məşğul olmur. Sənin çıxışlarının nəzarət edilməsi üçün Baş Prokurorluğa müraciət edilib.”