İraqın baş naziri Suriya mövzusunda “Cenvrə-2” konfransını dəstəklədiyini bildirərək, Suriya böhranına son qoyulmasının yeganə yolunun müzakirə olduğunu vurğulayıb.
Nuri Əl-Maliki Moskvada jurnalistlərə verdiyi açıqlamada deyib ki, İraq Cenevrə-2 konfransının keçirilməsinin tərəfdarıdır.
İraqın baş naziri Cenevrə-2 konfransının iştirakçılarının Suriyada toqquşan tərəflərdən hər hansı birinə dəstək verilməsinin heç bir nəticə qazandırmayacağını başa düşəcəklərinə ümidvar olduğunu deyib.
Əl-Maliki İran və Səudiyyə Ərəbistanının da Cenevrə-2 konfransına qatılmalarının vacibliyini vurğulayıb.